خطوات لتجنب إحساس العطش

طبعا الصيام في الصيف مع درجات الحرارة بيخلي جسمنا يفقد سوائل كتير وبالتالي احساس عطش اعلي، بس نقدر نتجنب ده من خلال عدة خطوات

سؤال مهم كلنا بنسأله في رمضان وبالذات والصيام في شهور الصيف والحرارة عالية !!!
طبعا الصيام في الصيف مع درجات الحرارة بيخلي جسمنا يفقد سوائل كتير وبالتالي إحساس عطش أعلي.
بس نقدر نتجنب ده لو عملنا شوية الحاجات البسيطة دي.
* أول غلطة بنعملها هي شرب المياه بكميات كبيرة جدا سواء ساعة الافطار أو ساعة السحور وده بيخلي الكلي تحاول تتخلص من كمية المياه الكبيرة دي ومعاها أملاح معدنية كتير والصح إننا نوزع شرب المياه بمعدل كوب أو كوب ونصف من وقت الإفطار وحتي وقت السحور .
*إستخدام الملح أو الاكل المملح بكثرة سبب رئيسي في العطش والحل إننا نقلل الملح بقدر الإمكان وبالذات في السحور.
*التركيز علي مصادر البوتاسيوم من الإفطار وبالذات في السحور زي الموز والزبادي والحليب والفواكه المجففة والتمر وقت الافطار.
*الإبتعاد قدر الإمكان عن الأطعمة المحفوظة والمعلبة لإحتوائها علي نسبة كبيرة من الصوديوم اللي بيكون سبب أساسي في العطش.
* البعد عن السكريات وقت السحور لأنها بتسبب عطش شديد.
*التركيز علي الخضروات الورقية والخيار والبطيخ لوجود نسبة مياه كبيرة بهم .
*التقليل من الكافيين بالذات قرب وقت السحور لأنه مدر للبول وده حيسبب عطش اليوم التالي عند الإستيقاظ.

قد يعجبك ايضا