الموز سبب طلاقي !

  • أنا اتطلقت بسبب الموز ! ” سبته لغاية ما بقى لونه أسود وباظ .. والله جوزي طلقنى عشان كده “.

  •  ” أنا اتطلقت عشان ما بعملش فطار “

  •  ” أنا اتطلقت عشان خالي مات وغصب عليا فى يوم الدفنة إنى أروح سبوع ابن أخوه وروحته ، وهناك أخته بتقولى البقاء لله ، رديت عليها ونعم بالله من غير نفس ، أصل ده شىء طبيعى جاية من المقابر وخالي متوفي، راحت أخته قومت الدنيا عليا عشان إزاى أرد على حضرتها بالطريقة دي ، واطلقت فى ساعتها “.

  •  أسباب ممكن تفتكرها خياليه ومش موجوده بس للأسف كل دي أسباب حقيقية للطلاق ودا بيعكس المثل الشعبي المصري ( تيجي علي أهون سبب ) ومش بس دا السبب الحقيقي لوقوع الطلاق طبعا ، المسألة أعمق بكثير وبتعكس خلافاً جوهرياً بين شخصيتين مش عارفين يتوافقوا مع بعض .

  •  مصر حققت المركز الأول عالميًا في نسبة الطلاق ، حيث كشفت آخر إحصائية للجهاز المركزي للتعبئة والإحصاء أن معدلات الطلاق في مصر بتزداد بنسبة كبيرة ، حيث كشفت دراسات سابقة أن في حالة طلاق كل 7 دقائق، وأصبحت حاليًا حالة طلاق في مصر كل 4 دقائق .

  •  المشكلة مش في الطلاق نفسه ولكن فى اسبابه واللي بينتج عنه من عواقب على المجتمع ، واللي بيخلينا نسأل هل ده بسبب الإختيار الغلط ؟ عدم فهمنا للفروق اللي بيننا وإزاي نتعامل معاها ؟

    لكن الغريب والشائع في الأيام دي مش تزايد نسب الطلاق بس ، بل إن الأسباب اللي بيحدث بسببها الانفصال فى غاية التفاهة أو تكاد تكون لا يصدقها عقل .

شاركونا بأغرب حالة طلاق سمعتوا عنها !

اترك تعليق

يرجي التسجيل لترك تعليقك

شكرا للتعليق