إزاي أخس في رمضان !

الحقيقة الناس بتسأل السؤال بشكل مختلف في صورة إزاي وزني يزيد مش كتير في رمضان!

الحقيقة الناس بتسأل السؤال بشكل مختلف في صورة إزاي وزني يزيد مش كتير في رمضان!!
للأسف رمضان إرتبط في ذهن الناس بزيادة الوزن اللي مش بسبب الصيام بس بسبب العادات الغلط وقت الافطار لحد ما يبدأ الصيام تاني .
خلينا في الأول نعرف إن شهر رمضان والصيام فرصة كويسة لخسارة الوزن مش العكس.
الصيام بيدي فرصة كويسة جدا لراحة الجهاز الهضمي اللي شغال من غير توقف طول السنة وكمان فرصة هايلة للتخلص من السموم وكمان التركيز علي التخلص من الدهون.
طيب ليه وزن ناس كتير بيزيد في رمضان !!
الحقيقة ده بيحصل مش بسبب الصيام ولكن بسبب العادات الغلط،
لازم نعرف الاول إن الجهاز وقت الصيام وقرب وقت الافطار بيكون في حالة من الكمون والخمول عشان كده لو عاوز أتجنب زيادة الوزن وكمان أخس إعمل الحاجات دي…
أبدا الإفطار بحاجة خفيفة زي كوب ماء وتمر واستني بعدها حاجة بسيطة
بعد كده اخد الشوربة خالية أو قليلة الدسم.
بعد كده بقي يجي دور الطبق الرئيسي بس قبل ما أبدا فيه أروح اصلي المغرب بحيث يكون جهازي الهضمي رجع يشتغل بكامل طاقته وبعدين أرجع اكل الطبق الرئيسي اللي بقسمه الي 4 أجزاء ربع نشويات و ربع بروتين و ربع خضروات و ربع سلطة ويفضل أبدا بالبروتين والسلطة والخضروات وبعدين النشويات .
نيجي بقي للتحلية لازم تكون بعد الافطار ب 3 ساعات وتكون قطعة صغيرة في حجم علبة الكبريت.
وجبة السحور مهمة جدا مينفعش نهملها ولازم يكون فيها بروتين زي البيض او الفول او الجبنة قليلة الدهون عشان ادي جسمي إحساس بالشبع فترة أطول مع الحفاظ علي طاقة الجسم لوقت أطول.
المياه لازم أشرب من 8 ل 10 أكواب من الافطار للسحور بس لازم اقسمهم مش اشرب كمية كبيرة جدا مرة وباقي اليوم قليل أحاول اقسمهم بمعدل 2 كوب كل ساعة.

قد يعجبك ايضا