أشهر الأمراض الجلديه للأطفال وخاصه ف فتره المدارس

سنتكلم ف السطور التاليه عن أشهر 3 امراض جلديه للأطفال ف فتره المدارس وإزاي نكتشفها وإزاي نعالجها وإزاي نمنعها

سنتكلم ف السطور التاليه عن أشهر 3 امراض جلديه للأطفال ف فتره المدارس وإزاي نكتشفها وإزاي نعالجها وإزاي نمنعها:

1-حشرات الشعر ‘و القمل :
وهي حشره صغيره بتنتقل ف منتهي السهوله 
وبتبيض البيض بتاعها اللي بيلزق ع الشعر وممكن نشوفه
طيب نتعرف عليها إزاي ؟
بنلاحظ إن الطفل بيهرش بطريقن هيستيريه ف شعره ولو بصينا ع الشعر ممكن نلاقي نقط بيضاء ع الشعر ‘و ممكن نشوف الحشره نفسها .
ولو لاحظناها لابد من بدء العلاج فورا عشان ميحصلش مضاعفات ونمنع إنتقالها لحد تاني .
طيب الوقايه منها ازاي ؟
إننا نفهم الطفل ممنوع منعا باتا إنه يستخدم حاجات بتاعة أي طفل تاني سواء مشط أو توكه او اي أي حاجه
نعالجها بضروره استشارة الطبيب فورا .

2.الإلتهاب البكتيري او القوباء :
ده التهاب بكتيري بيحصل للأطفال غالبا نتيجه لقلة المناعه وهو معدي جدا جدا جدا ويظهر ع هيئه حبوب مؤلمه شويه وممكن تنزل سائل أصفر وف الاخر يعمل قشره ولابد من إستشاره الطبيب وعدم سؤال الصيدلي أو الجيران لأمانه طفلك وعدم ظهور التعقيدات وإنتقالها لمكان اخر ف الطفل أو أطفال اخرين.

3. الحساسيه تلاقي الطفل بيهرش ف أماكن متفرقه من الجسم زي الكوع من جوه أو الركب من جوه أو الرقبه
وبيكون سببه أحيانا تغير الجو أو البس الجديد للمدارس .
وساعات يسبب حساسيه عند ملامسه اللبس للجسم
طيب عشان نمنع الموضوع ده لازم نغسل اللبس كذا مره ونتأكد من تشطيفه جيدا حتي لا يكون فيه صابون لأن ده ممكن يكون سبب اخر لوجود الحساسيه وأيضا لو ف أكل معين بيسبب الحساسيه لابد من منعه .
طيب أمنع ده إزاي بالترطيب المستمر لجلد طفلك
ولو إستمرت المشكله لابد من إستشاره الطبيب ف أقرب فرصه وفي النهايه لابد من الإعتناء جيدا بصحة جلد طفلك وإستخدامه لادواته الخاصه دون اللجوء لأدوات اطفال اخرين .
وعند ظهور أي طفح أو أي شكوي لطفلك لابد من اللجوء لاقرب طبيب ف أقرب فرصه لمنع حدوث مضاعفات
وقبل ذلك لابد من الحفاظ ع النظافه الشخصيه ومنعه من الذهاب اللي المدرسه ف حالة وجود أي مرض معدي حفاظا عليه وعلى سلامه الاخرين.

د. شيماء عودة

قد يعجبك ايضا